Беларускі выйгралі золата і срэбра чэмпіянату Еўропы
2- 28.07.2010, 10:05
Надзея Астапчук і Наталля Міхневіч выйгралі золата і срэбра чэмпіянату Еўропы па лёгкай атлетыцы ў штурханні ядра ў гішпанскай Барселоне.
Надзея Астапчук у сваёй лепшай спробе паказала вынік 20,48 м, Наталля Міхневіч - 19,53 м. Прычым абедзве самыя паспяховыя спробы былі заключнымі, шостымі, паведамляе БелТА.
Бронза ў расеянкі Ганны Аўдзеевай - 19,39 м.
Алімпійская чэмпіёнка-2000 беларуска Яніна Правалінская-Карольчык з 19,29 м стала чацвёртай, хаця пасля трох спробаў займала трэцяе месца.
