Беларуская фотамастачка Алена Адамчык заваёўвае Манака

Фотамастачка Алена Адамчык прэзентуе ў Монте-Карла (Манака) сваю новую кнігу «Women of Monaco» («Жанчыны Манака»).

На прэзентацыю фотаальбома збярэцца сапраўдны бамонд, паколькі сярод гераіняў - выключна прыгажуні з «вышэйшага свету». Сярод іх ёсць Шырлі Бэс - сусветна вядомая выканаўца песняў да кінастужак пра Джэймса Бонда, піша прэс-служба БАЖ

Над праектам «Women of Monaco» Алена працавала каля года. Ёй аказвала садзейнічанне графіня Сандрына Гарбан'яці.