Мінздароўя ініцыюе забарону на продаж алкаголю асобам да 21 года

Праект гэтага дакумента зараз знаходзіцца на разглядзе.

Мінздароўя Беларусі лічыць мэтазгодным увесці забарону на продаж алкаголю асобам да 21 года. «Мы выступаем з ініцыятывай павялічыць узрост, калі можна купляць алкаголь, да 21 года. Праект гэтага дакумента зараз знаходзіцца на разглядзе, і, я думаю, будзе прыняты», - паведаміў галоўны нарколаг Міністэрства аховы здароўя Аляксей Аляксандраў, перадае БелТА.

Акрамя таго, Мінздароўя ініцыюе ўсталяванне абмежавання ці забароны на рэкламу піва і слабаалкагольных напояў. «Мы лічым, што, калі нават такая рэклама не будзе забароненая цалкам, але максімальна абмежаваная, гэта ўжо дасць станоўчы эфект», - сказаў галоўны нарколаг.