Астраномы вызначылі, як загіне Сусвет

Ён будзе бясконца пашырацца і ператворыцца ў халодную і мёртвую пустэчу з тэмпературай, блізкай да «абсалютнага нуля».

Зрабіць такія высновы навукоўцам дапамагла гіганцкая «галактычная лінза» - адно з найбуйнейшых з вядомых чалавецтву скапленняў галактык ў сузор'і Дзевы, паведамляе BBCrussian.com.

Міжнародная група навукоўцаў на чале з астраномамі амерыканскага аэракасмічнага агенцтва NASA здолела прасачыць, як святло аддаленых галактык скажаецца гэтай «лінзай», візуальна ператвараючы іх у дугі. Ступень скажэння залежыць ад трох фактараў - аддаленасці аб'екта, гравітацыйнай масы Скаплення Дзевы і распаўсюджвання цёмнай энергіі - таямнічай сілы, якая прымушае Сусвет пашырацца усё хутчэй і хутчэй.

Цёмная энэргія была адкрытая толькі ў 1998 годзе і ўяўляе сабой адну з найвялікшых астранамічных загадак: наш свет складаецца з яе на тры чвэрці, аднак яна цалкам нябачная і сам факт яе існавання вядомы толькі яе уздзеяннем на стан Сусвету.

Для таго, каб як-небудзь прасачыць распаўсюджванне цёмнай энергіі ў космасе, навукоўцы выкарысталі вялікі комплекс тэлескопаў Еўрапейскай касмічнай абсерваторыі ў Чылі і арбітальны тэлескоп Hubble. У літаральным сэнсе убачыўшы, як святло агінае Скапленне Дзевы, і правёўшы неабходныя вымярэнні і вылічэнні, астраномы зрабілі выснову аб бясконцым пашырэнні Сусвету, піша The Daily Telegraph.

Варта адзначыць, што тэорыя бясконцага пашырэння Сусвету - толькі адна з мадэляў яе эвалюцыі. Розныя групы навукоўцаў вылучаюць іншыя гіпотэзы, якія нярэдка супярэчаць адна другой. Некаторыя, да прыкладу, лічаць, што наш свет асуджаны бясконца перажываць чаргаванне і паўтарэнне этапаў пашырэння і звужэння. Паводле гэтай тэорыі, Сусвет чакае бясконцае паўтарэнне «Вялікіх выбухаў» - падобных да таго, з якога, як мяркуюць, нарадзілася ўсё, што цяпер існуе.

Яшчэ адна група вучоных раней выказала меркаванне, што самі астраномы, спрабуючы разгадаць вялікія таямніцы Сусвету, міжволі падштурхоўваюць яе да гібелі. Да прыкладу, назіраючы за той самай цёмнай энергіяй, чалавецтва, магчыма, вярнула космас на больш раннюю стадыю развіцця, думаюць яны.

На думку астраномаў, якія прасунулі гэтую гіпотэзу, з праведзенага ў 1998 годзе даследавання выпраменьвання звышновай зоркі, у выніку якога было даказана існаванне цёмнай энергіі, магчыма, пачаўся новы адлік часу распаду Сусвету, гэта значыць яна вярнулася да таго стану, у якім верагоднасць яе «выжывання» імкліва падае.

«Якім бы непраўдападобным гэта ні здавалася, ёсць верагоднасць, што адкрыццё цёмнай энергіі скараціла магчымую «працягласць жыцця» Сусвету», - заявілі яны часопісу New Scientist.