Па факце катастрофы МіГ-29 узбуджаная крымінальная справа
3- 24.09.2010, 12:26
Знішчальнік МіГ-29 разбіўся падчас планавых палётаў, загінулі два лётчыкі.
Крымінальная справа ўзбуджаная па факце крушэння МіГ-29 ВПС Беларусі, паведамілі БелТА ў Беларускай ваеннай пракуратуры.
Справа ўзбуджаная Баранавіцкай міжгарнізоннай ваеннай пракуратурай па ч. 2 арт. 465 «Парушэнне правілаў палётаў або падрыхтоўкі да іх» КК Беларусі. Прычыны і абставіны здарэння будуць высветленыя падчас расследавання.
Напярэдадні падчас планавых палётаў разбіўся самалёт МіГ-29 61-й знішчальнай авіяцыйнай базы ВПС і войскаў СПА Узброеных Сілаў Беларусі, загінулі два лётчыкі. Крушэнне самалёта адбылося каля 17.00 пры выкананні элементаў пілатажу павышанай складанасці на малых вышынях.
Прычыны і абставіны здарэння высвятляюцца спецыяльнай камісіяй ваеннага ведамства.
