Ахоўнікі збівалі Канстанціна Жукоўскага не на жарт

Гомельскі каардынатар партыі «Беларуская хрысціянская дэмакратыя» Кастусь Жукоўскі атрымаў 23 верасня выпіску са сваёй медыцынскай карты.

24 верасня гэтую выпіску Канстанцін Жукоўскі павінен даставіць у Петрыкаўскі раённы суд, дзе супраць яго разглядаецца адміністрацыйная справа за лаянку ў грамадскім месцы і супраціўленне міліцыі, перадае «Радыё Свабода».

«У выпісцы паказана, што ў мяне сіняк на цеменна-патыліцавай частцы галавы, удары на грудным аддзеле хрыбетніка. Акрамя таго, вывіхнутая рука - мне рэкамендаваныя мазі і павязкі з эластычнага бінта», - распавядае Канстанцін Жукоўскі.

Пашкоджанні Жукоўскі атрымаў 17 верасня, калі паехаў на фэст «Кліч Палесся» ў вёску Ляскавічы Петрыкаўскага раёна. Спачатку яго затрымала міліцыя, потым збілі ахоўнікі. У выніку пацярпелы апазіцыянер застаўся яшчэ і вінаватым.