20 красавiка 2024, Субота, 12:25
Падтрымайце
сайт
Сім сім,
Хартыя 97!
Рубрыкі

Польшча адрэагуе на "кампрамат" Лукашэнкі па дыпламатычных каналах

32

МЗС Польшчы назваў "драматычнымі, прапагандысцкімі, набліжанымі да абсурду намаганнямі" заявы газеты "Советская Белоруссия" аб змове польскіх і нямецкіх спецслужб, якія прывялі да паслявыбарных падзеяў 19 снежня ў Менску.

"Казаць пра змову проста абсурдна. Адкуль узяцца змовы, калі міністр Радаслаў Сікорскі сустрэўся з усімі кандыдатамі на пасаду прэзідэнта Беларусі: Лукашэнкай, Някляевым і іншымі кандыдатамі", - сказаў прэс-сакратар МЗС Польшчы Марцін Басацкі 14 студзеня журналістам у Мадрыдзе. Ён падкрэсліў, што Польшча мае намер па дыпламатычных каналах "выказаць цвёрды і катэгарычны пратэст гэтаму беспрэцэдэнтнаму і абсурднаму нападу ў прэсе", паведамляе ІА Регнум..

Каментуючы гэтую публікацыю ў беларускай газеце, польскае ўплывовае выданне Rzeczpospolita адзначае, што "ў цэлым, пазітыўным з'яўляецца той факт, што Лукашэнку патрэбныя нейкія тэорыі змовы". "Гэта з'яўляецца пацвярджэннем таго, што ён не адчувае рашучай падтрымкі з боку свайго народа. Гэта значыць, яго пабілі сапраўдныя вынікі выбараў 19 снежня", - піша газета. Rzeczpospolita таксама знаходзіць вельмі займальным той факт, што "толькі цяпер стала вядома, што галоўны апанент Лукашэнкі Уладзімір Някляеў быў на ланцужку Берліна і Варшавы, бо да выбараў ён быў прадстаўлены ў якасці чалавека Масквы. Ды яшчэ быў збіты КДБ менавіта як прарасейскі кандыдат".

Напісаць каментар 32

Таксама сачыце за акаўнтамі Charter97.org у сацыяльных сетках