Расейская Wikipedia больш не будзе называць нашу краіну "Белоруссия"
32- 31.01.2011, 13:09
30 студзеня ў расейскай Вікіпедыі афіцыйна была змененая назва нашай краіны: з варыянту "Белоруссия" на "Беларусь".
На тэму, як жа правільна называць краіну было нямала спрэчак. Прыхільнікі "Белоруссии" абапіраліся на традыцыі расейскай мовы, маўляў, менавіта так на ёй гучыць назва суседняй дзяржавы.
А вось адэпты "Беларусі" схіляліся да таго, што былая назва ўжо неактуальная, а ў Канстытуцыі РБ па-расейску напісана "Рэспубліка Беларусь".
У гэтую палеміку быў уцягнуты нават прэзідэнт Расеі Дзмітрый Мядзведзеў, які выказаўся за назву "Беларусь".
Цяпер аўтары Вікіпедыі спадзяюцца, што спрэчак на гэтую тэму стане прыкметна менш, піша "Наша Ніва".