Мядзведзеў аб Еўразійскім саюзе: Мы нікога не прымушалі гэта рабіць

Прэзідэнт РФ Дзмітрый Мядзведзеў разлічвае на тое, што ў пятніцу ў Крамлі з Лукашэнкам і прэзідэнтам Казахстана будзе падпісанае пагадненне аб Еўразійскім Саюзе.

«Заўтра сюды прыедуць два кіраўнікі нашых блізкіх дзяржаваў - Беларусі і Казахстана, і заўтра я спадзяюся, мы ў гэтым будынку, у Крамлёўскім, падпішам з імі пагадненне, якое будзе тычыцца далейшай эканамічнай інтэграцыі», - заявіў Д. Мядзведзеў на сумеснай з прэм'ер- міністрам РФ Уладзімірам Пуціным сустрэчы з пенсіянерамі, перадае «Інтэрфакс».

Ён дадаў, што ўпэўнены ў тым, што «ў гэтага Саюза будзе вельмі добрая будучыня».

Кіраўнік суседняй дзяржавы падкрэсліў, што пагадненне з'яўляецца «важным і вымучаным крокам». «Калі вы звярнулі ўвагу, мы нікога не падганялі, нікога не прымушалі гэта рабіць. Гэта выспела і цяпер мы імкнемся стварыць такую мяжу нашага супрацоўніцтва на будучыню, каб яна нікому не была, па-першае, навязаная, каб яна ўспрымалася арганічна, але, у той жа час, каб яна была эфектыўнай», - сказаў Д. Мядзведзеў.

Ён прывёў у якасці прыкладу Еўразвяз, які некалькі дзесяцігоддзяў ішоў да таго стану, у якім зараз знаходзіцца, падкрэсліўшы, «і мы прыблізна такім шляхам ідзем».

На думку прэзідэнта, і маючае адбыцца падпісанне, і пагадненне аб Мытным Саюзе - «гэта вялікая справа». «Але, пры гэтым, мы хацелі б, каб кожная краіна, якая жадае далучыць да Мытнага Саюзу або да Адзінай эканамічнай прасторы, у далейшым - да Еўразійскага Саюза, рабіла гэты выбар свядома, каб потым ніхто не казаў, што іх загналі пад уплывам нейкіх эканамічных аргументаў», - сказаў Д. Мядзведзеў, нагадаўшы пра словы, якімі суправаджаўся распад Савецкага Саюза.