У Гомелі гарэла шпалерная фабрыка (Відэа)
18- 24.11.2011, 15:22
24 лістапада ў цэнтры Гомеля, на вуліцы Тэльмана, гарэў вытворчы будынак прадпрыемства па выпуску шпалер - ТАА «Фокс».
Да месца надзвычайнага здарэння выехалі не менш за восем аўтацыстэрн. Адкрытым полымем гарэў дах будынка. Узгаранне адбылося прыкладна ў 11.00. Паводле папярэдняй інфармацыі, ахвяраў няма. Паралельна з тушэннем пажару супрацоўнікамі МНС працаўнікі прадпрыемства эвакуіравалі гатовую прадукцыю, паведамляе БелаПАН.
Пажар патушаны каля 14.30.
