На крэдытаванне жылля грошай няма

Урад прапанаваў рэзка скараціць колькасць грамадзянаў, якім будзе будавацца жыллё з дзяржпадтрымкай.

Аб гэтым заявіў віцэ-прэм'ер Сяргей Румас на паседжанні «парламента», паведамляе «Інтэрфакс».

Віцэ-прэм'ер адзначыў, што фінансавых рэсурсаў для хуткага завяршэння ўсіх пачатых будоўляў недастаткова. «Урад засяроджвае рэсурсы на завяршэнні дамоваў з высокай ступенню дабудаванай. Яны будуць завершаныя ў першую чаргу», - сказаў ён. С. Румас падкрэсліў, што крэдытаваць жыллёвае будаўніцтва ў ранейшых аб'ёмах немагчыма і «аб'ёмы жыллёвага крэдытавання будуць зменшаныя». Ён адзначыў, што ўрад ужо ўнёс прапанову аб рэзкім скарачэнні катэгорыі грамадзянаў, якім будзе будавацца жыллё з дзяржпадтрымкай.

Пры гэтым ён звярнуў увагу, што «па тых грамадзянах, якія заключылі крэдытныя дамовы з банкамі, будзе захоўвацца ранейшае фінансаванне».