26 траўня 2019, Нядзеля, 23:49
За нашу і вашу свабоду!
Рубрыкі

Міжнародная назіральная місія патрабуе адкрытых працэсаў

13

Міжнародная назіральная місія заяўляе аб сваім намеры правесці грамадскі маніторынг судовых працэсаў над удзельнікамі акцыі 19 снежня 2010 года.

Міжнародная назіральная місія 21 лютага выступіла з заявай, у якой «настойліва рэкамендуе уладам Рэспублікі Беларусь, у прыватнасці, Вярхоўнаму Суду Рэспублікі Беларусь, асобным судам агульнай юрысдыкцыі і адміністрацыям судоў» забяспечыць свабодны доступ назіральнікаў маніторынгавых груп Місіі ў памяшканні судоў і непасрэдна ў залы судовых пасяджэнняў падчас правядзення слуханняў па крымінальных справах у дачыненні названых асоб.

Місія таксама рэкамендуе праводзіць усе судовыя паседжанні па ўказаных справах у адкрытым рэжыме, з допускам ў залы судовых пасяджэнняў міжнародных назіральнікаў, прадстаўнікоў прэсы, праваабарончых арганізацый і грамадскасці. Місія заклікае забяспечыць неабходныя ўмовы для прадстаўнікоў шырокай грамадскасці, якія пажадалі прысутнічаць на названых судовых працэсах, у прыватнасці, праводзіць слуханні па названых справах у залах судовых пасяджэнняў з дастатковай для прысутнасці назіральнікаў умяшчальнасцю.

Міжнародная назіральная місія таксама патрабуе публічна агучваць рашэнні па названых справах у дачыненні да ўсіх абвінавачаных, уключаючы публікацыю гэтых рашэнняў у СМІ, і гарантаваць выкананне ўсіх працэсуальных нормаў падчас судовых слуханняў па названых справах у адпаведнасці нацыянальным заканадаўствам і міжнароднымі абавязальніцтвамі Рэспублікі Беларусь у гэтай галіне.

«Місія спадзяецца, што дзяржава Рэспубліка Беларусь гатовая прадэманстраваць сусветнай супольнасці сваю прыхільнасць дэмакратычным каштоўнасцям і няўхільнае выкананне сваіх абавязацельстваў па правах чалавека ў межах ратыфікаваных міжнародных пагадненняў, гарантуючы правядзенне судовых працэсаў над удзельнікамі падзей пасля прэзідэнцкіх выбараў 19 снежня 2010 года, у строгай адпаведнасці з міжнароднымі стандартамі выканання права на справядлівае судовае разбіральніцтва, і забяспечыўшы магчымасць правядзення грамадскага маніторынгу названых судовых паседжанняў», - гаворыцца ў заяве, падпісанай прадстаўніком Місіі ў Беларусі Канстанцінам Барановым і кіраўніком Місіі Андрэем Юравым.