Памёр Аляксандр Грыцанаў
22- 21.03.2011, 12:22
Філосаф і публіцыст Аляксандр Грыцанаў памёр у ноч на 21 сакавіка.
Грыцанаў быў кіраўніком і галоўным навуковым рэдактарам найбуйнейшай у СНД сацыяльна-гуманітарнай энцыклапедычны серыі (апублікавана 13 энцыклапедый і слоўнікаў) і серыі навуковых біяграфій «Мысляры ХХ стагоддзя» (апублікавана 12 кніг), паведамляе «Радыё Свабода».
У 1987 - 1989 гг. вёў першы ў Менску палітычны дыскусійны клуб «Філасофскія чацвяргі».
Аляксандр Грыцанаў скончыў гістарычны факультэт Беларускага дзяржаўнага універсітэта (1980). Аспірант кафедры філасофіі (1980 - 1983), выкладчык (1983 - 1988), дацэнт (1988 - 1996) Беларускага дзяржаўнага універсітэта; загадчык кафедры, дацэнт Усходне-Еўрапейскага недзяржаўнага інстытута бізнесу і права (1996 - 1998); дацэнт кафедры філасофіі і сацыялогіі Міжнароднага дзяржаўнага экалагічнага універсітэта ім. Сахарава (2001 - 2002); карэспандэнт газеты «Беларусы і рынак» і аглядальнік «Белгазеты» (з 2005).
Кандыдат філасофскіх навук, дацэнт.