18 лютага 2019, панядзелак, 16:26
Захаваць «Хартыю»! Стаць нацыяй!
Рубрыкі

Сцінг ў Менск не прыедзе

30

У канцэртным агенцтве Allstars, якое займалася арганізацыяй выступу, паведамілі, што канцэрт Сцінга ў Менску адменены «з-за складанай фінансавай сітуацыі» ў Беларусі.

Канцэрт павінен быў адбыцца 27 чэрвеня ў «Мінск-Арэне», але з-за дрэнных продажаў квіткоў агенцтва перанесла яго ў Вільню, паведамляе БелаПАН.

Плануецца таксама, што для беларускіх прыхільнікаў будзе арганізаваны тур у Літву. Усе жадаючыя могуць звяртацца ў агенцтва.

Арганізатары раяць здаваць квіткі на менскі канцэрт спевака, паколькі ў Вільні яны дзейнічаць не будуць. Нагадаем, кошт квіткоў на шоў у Менску складала ад 150 тыс. да 1,5 млн. рублёў.

Канцэртнае агенцтва Allstars з'яўляецца адным з арганізатараў канцэрта Шакіры, якая, тым не менш, выступіць у беларускай сталіцы. Кошт білетаў на ейны канцэрт застаецца ранейшым.