29 сакавiка 2020, Нядзеля, 2:10
Народны карантын
Рубрыкі

Літва можа адмяніць плату за візу для беларусаў ужо гэтым летам

14
Літва можа адмяніць плату за візу для беларусаў ужо гэтым летам

Міністр замежных справаў Літвы Аўдронюс Ажубаліс абяцае ўжо гэтым летам выдаваць грамадзянам Беларусі літоўскія візы за сімвалічную плату.

У цяперашні час грамадзяне Беларусі плацяць за візы па 60 еўра.

«Я б хацеў, каб плата была сімвалічнай. Буду рабіць усё, каб рашэнне прынялі як мага хутчэй. Мне б хацелася, каб ужо летам грамадзяне Беларусі маглі скарыстацца гэтай магчымасцю», - сказаў BNS міністр.

Пра гэта міністр заявіў праз некалькі гадзін пасля таго, як літоўскі парламент дазволіў ураду прызначыць плату за візы па больш гнуткай сістэме. Па сцвярджэнні МЗС, ініцыятывы ў сувязі з палёгкай атрымання віз радавымі грамадзянамі Беларусі накіраваныя на ўмацаванне грамадзянскай супольнасці ў гэтай краіне, перадае Delfi.

20 чэрвеня закон аб консульскім зборы дадалі устаноўкай, што ўрад можа знізіць плату за візы або наогул яе адмяніць не толькі на правах парытэту, але і калі гэта неабходна для дасягнення мэтаў знешняй палітыкі і нацбяспекі.

Па законе, урад Літвы мог адмяніць консульскі збор за нацыянальныя візы памерам у 60 еўра толькі ў тым выпадку, калі такія ж меры прыняла б Беларусь.

«Спадзяюся, што Беларусь паступіць аналагічным чынам у адносінах да грамадзянаў Літвы», - сказаў BNS міністр.