У Беларусь прыляцеў Кадафі?
272- 28.09.2011, 13:24
26 верасня ў Менск з Лівіі прыбыў ваенны самалёт.
На ягоным борце знаходзіліся каля 15 чалавек. Як паведамляюць крыніцы «Беларускага партызана», самалёт неадкладна загналі ў ангар, дзе і адбылася выгрузка.
Па непацверджаных дадзеных, прыбылы самалёт сустракалі дыпламаты. Арганізацыяй прыёму рэйса з Лівіі займаўся КДБ.
Сярод супрацоўнікаў менскага нацыянальнага аэрапорта папаўзлі чуткі, што гэтым самалётам прыбыў ні хто іншы як сам Кадафі і некаторыя ягоныя сваякі
Муамар Кадафі знік з поля гледжання ў пачатку верасня. Ягоны пошук - адзін з асноўных прыярытэтаў лівійскага Нацыянальнага пераходнага савета.
Як вядома, у Беларусі ўжо хаваецца адзін зрынуты дыктатар - былы прэзідэнт Кіргізіі Курманбек Бакіеў. Афіцыйны Менск адмаўляецца выдаваць збеглага кіраўніка цяперашнім кіргізскім уладам.