Назад у СССР: з характарыстыкай на новае месца працы

Лукашэнка прапанаваў увесці для работнікаў абавязковую характарыстыку, якую трэба атрымліваць ад папярэдняга працадаўцы.

2 кастрычніка, як піша onliner.by, на нарадзе па пытаннях удасканалення механізму гаспадарання ў аграпрамысловым комплексе краіны намеснік старшыні Брэсцкага аблвыканкама Якаў Бухавецкі падтрымаў меру прапанаваную Аляксандрам Лукашэнкам адносна ўвядзення характарыстык пры прыёме на працу.

Як адзначаецца ў паведамленні, Бухавецкі падтрымаў меру, прапанаваную кіраўніком дзяржавы, адносна таго, каб пры пераходзе на новае месца працы патрабавалася характарыстыка ад папярэдняга працадаўцы: «Абсалютна адсутнічае нават лёгкі страх страціць працу. Людзі бегаюць з аднаго прадпрыемства на іншае. Калі будзе ўкаранёна абавязковая характарыстыка з папярэдняга месца працы і без гэтага складана будзе ўладкавацца, то гэтае пытанне, разам з матэрыяльным заахвочваннем працы, знойдзе сваё адлюстраванне».