28 сакавiка 2024, Чацвер, 21:58
Падтрымайце
сайт
Сім сім,
Хартыя 97!
Рубрыкі

Франсуа Аланд: Польшча і Францыя будуць працаваць разам  

Франсуа Аланд: Польшча і Францыя будуць працаваць разам  

Прэзідэнт Францыі наведаў Варшаву з афіцыйным візітам.

Разам з Франсуа Аландам у Варшаву прыехалі кіраўнікі шэрагу французскіх кампаній, якія павінны прыняць удзел у перамовах аб будаўніцтве першай у Польшчы АЭС.

Францыя спадзяецца аднавіць раўнавагу ў камерцыйных стасунках з Польшчай, першым партнёрам якой на сённяшні дзень з'яўляецца Нямеччына, адзначае AFP.

Што да палітычнай часткі гэтага візіту, то ў гэтай паездцы Франсуа Аланда суправаджаюць тры міністры - кіраўнік МЗС Францыі Ларан Фабіус, міністр еўрапейскіх спраў Бернар Каюзак і міністр замежнага гандлю Ніколь Брык.

Прэзідэнт Францыі правёў перамовы з нагоды новага бюджэту ЕЗ з прэзідэнтам Польшчы Браніславам Камароўскім і прэм'ер-міністрам краіны Дональдам Тускам, піша Gazeta Wyborcza.

«Два пытанні, якія асабліва зацікавілі Францыю: агульная сельскагаспадарчая палітыка і палітыка збліжэння», - заявіў на прэс-канферэнцыі пасля сустрэчы з прэзідэнтам Польшчы ў Варшаве Франсуа Аланд.

Ён таксама паведаміў, што дзве краіны будуць працаваць разам, каб зацвердзіць большую суму выдаткаў на гэтыя мэты на саміце Еўразвязу на наступным тыдні.

Напісаць каментар

Таксама сачыце за акаўнтамі Charter97.org у сацыяльных сетках