Трое беларусаў загінулі ў ДТЗ у Польшчы (Фота)
91- 18.11.2012, 18:30
Аварыя адбылася каля 4 гадзін раніцы.
Тры чалавека загінулі ў аўтамабілі з замежнымі нумарамі ў выніку ДТЗ раніцай 18 лістапада на аўтастрадзе А2 ля Лодзі (Польшча), паведамляе інфармагенцтва PAP.
Аўтамабіль Subaru Forester быў з беларускімі нумарамі. Самаход з невядомых прычын выехаў на правы бок дарогі, на высокай хуткасці ўрэзаўся ў дарожную агароджу, што раздзяляла палосы, і загарэўся. Двое мужчын і жанчына, што ў ім знаходзіліся, загінулі на месцы, двухгадовае дзіця ад удару выкулілася з аўтамабіля, што і выратавала яму жыццё. У цяжкім стане дзіця было адвезенае ў лякарню Лодзі, піша БелаПАН.
Паліцыя расследуе прычыны ДТЗ. Ёсць версія, што кіроўца Subaru Forester заснуў за стырном.