Са шпіталя - у ІЧУ
1- 2.11.2012, 13:19
Маладафронтаўца Зміцера Крамянецкага пераводзяць са шпіталя назад у турму.
Пра гэта маладафронтавец паведаміў паплечнікам па тэлефоне.
Нягледзячы на тое, што пад палатай, у якой знаходзіўся маладафронтавец, пастаянна знаходзіўся супрацоўнік міліцыі і Зміцер не мог патрапіць за межы шпіталя, у тэрмін адміністрацыйнага арышту час знаходжання маладога чалавека ў шпіталі не залічваецца, паведамляе прэс-служба «Маладога Фронту».
Нагадаем, што Зміцер Крамянецкі быў затрыманы побач з кафэ, дзе адзначалася вяселле Мікалая Дземідзенкі і прысуджаны да 5 сутак арышту нібыта за «дробнае хуліганства». Падчас адбывання арышту ў юнака пагоршыўся стан здароўя і яго паклалі ў шпіталь.