Прадпрыемствы не могуць расплаціцца па пазыках

Праблемныя пазыкі прадпрыемстваў перад банкамі выраслі ў 2,7 раза з пачатку года.

Таксама аднавіўся рост праблемнай пазыкі па валютных крэдытах, сведчаць дадзеныя Нацыянальнага банка.

На 1 лістапада аб'ём праблемных рублёвых крэдытаў дасягнуў Br499,2 млрд., павялічыўшыся ў 2,7 раза за 10 месяцаў 2012 года. Пры гэтым у кастрычніку прырост праблемнай запазычанасці ў рублях склаў 15,6% пасля росту на 45,6% у верасні і на 49,1% у жніўні, піша АФН.

Праблемныя валютныя крэдыты юрыдычных асоб за студзень-кастрычнік 2012 года павялічыліся ў 2,4 раза да $63,3 млн. на 1 лістапада. У кастрычніку праблемная валютная пазыка вырасла на 7,5% пасля зніжэння на 7,4% у верасні і росту на 7,6% у жніўні.

Аб'ём выдадзеных крэдытаў у беларускіх рублях на 1 лістапада склаў Br72704,6 млрд., павялічыўшыся на 22,2% за 10 месяцаў. У той жа час у кастрычніку ўпершыню ў бягучым годзе зафіксавана зніжэнне крэдытнай запазычанасці юрыдычных асоб - на 0,8% (у верасні прырост складаў 4,3%, у жніўні - 4,4%).

Аб'ём крэдытавання юрыдычных асоб у замежнай валюце павялічыўся на 43,9% з пачатку года да $9720,4 млн., у тым ліку на 4,6% у кастрычніку (у верасні прырост складаў 4,2%, у жніўні - 5,3%) .