Новыя карупцыйныя скандалы на БМЗ

У выніку расследавання крымінальнай справы ўстаноўленыя новыя факты хабарніцтва.

Яшчэ ў ліпені Следчы камітэт узбудзіў крымінальную справу ў дачыненні да адразу двух службовых асоб ААТ «БМЗ». Гаворка ідзе пра двух братоў, якія на заводзе вельмі добра вядомыя, піша «Ежедневник».

Адзін з братоў прапрацаваў на заводзе так доўга і на столькіх пасадах, што адзін пералік іх стамляе. Па дадзеных Следчага камітэта, падазраваны паспеў пабываць начальнікам трубапракатнай вытворчасці, намеснікам начальніка тэхнічнага кіравання (па трубнай вытворчасці), намеснікам галоўнага спецыяліста па пракатнай вытворчасці ААТ «БМЗ» - начальнікам пракатнага аддзела. Яго брат займаў пасаду начальніка ўпраўлення камплектацыі абсталявання.

Праўда, як заявілі на ААТ «БМЗ», першы брат быў усяго намеснікам галоўнага спецыяліста (па пракатнай вытворчасці), а другі і зусім быў звольнены да ўзбуджэння крымінальнай справы, а да гэтага займаў пасаду брыгадзіра ў сталепровалачным цэху.

Незразумела, чаму так завод спрабуе памяняць пасады свайго былога і цяперашняга работнікаў, абвінавачаных у карупцыйных злачынствах. Бо сутнасць не ў іх назве, а ў тым, што дзякуючы гэтым супрацоўнікам адбывалася на буйнейшым прадпрыемстве.

Першапачаткова падставай для ўзбуджэння крымінальнай справы стала інфармацыя КДБ аб тым, што браты, дзейнічаючы сумесна і па папярэдняй змове, з канца 2009 года і па кастрычнік 2010 года атрымалі ад прадстаўніка камерцыйнай кампаніі, якая займаецца вырабам абсталявання розных груп складанасці, хабар у памеры 38 тысяч даляраў .

Як лічыць следства, за гэтыя грошы два браты пралабіравалі інтарэсы камерцыйнай кампаніі, у выніку чаго ААТ «БМЗ» заключыла з ёй у розны час тры дамовы на пастаўку партыі прашыўных аправак для кранавага абсталявання завода. На думку аператыўнікаў, грошы службовым асобам былі прадастаўленыя выключна ў сувязі з займаемым імі службовым становішчам на ААТ «БМЗ», за спрыяльнае рашэнне пытанняў, якія ўваходзяць у іх кампетынцыю. Пасля пачатку расследавання пачаў адчыняцца новыя факты і новая крымінальная справа ў дачыненні да братоў была ўзбуджаная ў кастрычніку гэтага года.

І вось, у лістападзе выяўленыя новыя факты карупцыі. Па дадзеных праваахоўных органаў, падазраваныя з кастрычніка 2010 па ліпень 2012, атрымалі ад прадстаўніка камерцыйнай кампаніі хабар у суме 17 100 даляраў ЗША, за спрыяльнае рашэнне пытанняў, якія ўваходзяць у іх кампетэнцыю. Гаворка ідзе аб закупцы таварна-матэрыяльных каштоўнасцей у інтарэсах прадстаўніка камерцыйнай кампаніі. Па дадзеным факце ўзбуджаная новая крымінальная справа па ч.3 арт.430 Крымінальнага кодэкса Беларусі (атрыманне хабару, здзейсненае ў асабліва буйным памеры, альбо арганізаванай групай, альбо асобай, якая займае адказнае становішча), якое аб'яднана вытворчасцю з папярэдняй справай. Такім чынам, агульная сума хабараў, атрыманых братамі перавысіла ўжо 55 тысяч даляраў. І гэта яшчэ далёка не канец расследавання.

Дарэчы, гэта не адзіная скандальнае справа, якая расследуецца на ААТ «БМЗ». Як паведамілі ў ААТ «Беларускі металургічны завод - кіруючая кампанія холдынгу «Беларуская металургічная кампанія» у пачатку верасня была ўзбуджаная крымінальная справа ў дачыненні да намесніка начальніка трубапракатнага цэха па мехабсталяванні прадпрыемства. Па нашых звестках УСК па Гомельскай вобласці інкрымінуе яму ч.1 арт.14, ч.3 арт.210 КК (замах на крадзеж шляхам злоўжывання службовымі паўнамоцтвамі, здзейснены групай асоб па папярэдняй змове ў буйным памеры) Крымінальнага кодэкса Беларусі.