Крызісны саміт ЕЗ у Бруселі

Саміт ЕЗ можа не прыйсці да рашэння па шматгадоваму бюджэту.

Ва ўмовах сур'ёзных нязгод паміж краінамі - членамі Еўразвяза адкрыўся пазапланавы саміт для абмеркавання праекта бюджэту супольнасці на сямігадовы перыяд.

Прэзідэнт ЕЗ Херман Ван Рампей прапанаваў закласці ў будучы бюджэт больш за трыльён еўра. І калі датацыйныя краіны ўсходняй Еўропы згодныя з гэтым, краіны-донары на чале з Германіяй, Францыяй і Велікабрытаніяй патрабуюць скараціць бюджэт, аргументуючы сваю пазіцыю неабходнасцю жыць па сродках у перыяд крызісу, перадае тэлеканал Euronews.

Нямецкі канцлер Ангела Меркель лічыць, што кампраміс неабходны:

«Інвестыцыі ў даследаванні, у развіццё, эфектыўнае выкарыстанне грошай - усё гэта важна для будучага Еўразвяза. Кожны еўра павінен быць выкарыстаны з карысцю».

Аднак галоўныя нязгоды паміж еўрапейскімі лідэрамі датычацца не агульнага бюджэту, а тых праграм, сродкі на якія трэба будзе скарачаць.

Брытанія ў асобе Кэмерана палохае сваім правам вета, калі не будуць улічаныя яе інтарэсы, так як на фоне складанай ўнутрыпалітычнай абстаноўкі, узмацніўся ціск з боку еўраскептыкаў.

Што тычыцца Венгрыі, Польшчы і Італіі, то яны будуць змагацца да канца супраць скарачэння асігнаванняў на развіццё адсталых рэгіёнаў Еўропы.

Так што прадказаць ход цяперашняга саміту практычна немагчыма.

Ці дыскусіі будуць працягвацца, пакуль ўдзельнікі не прыйдуць да кансенсусу, ці ўсё завершыцца прыняццем «згоды аб нязгодзе» і пераносам рашэння на 2013 год.