Нацбанк прымусіў банкі панізіць працэнтныя стаўкі

Cтаўкі міжбанкавых рублёвых крэдытаў імкліва папаўзлі ўніз на фоне заканчэння перыяду выплаты падаткаў (за кастрычнік), а таксама лішку рублёвай ліквіднасці - 454 млрд. рублёў на раніцу 23 лістапада.

Але галоўнай прычынай зніжэння ставак стала дэ-факта спыненне крэдытавання (і ў рублях, і ў валюце) беларускіх прадпрыемстваў з пачатку гэтага тыдня праз абмежаванні валютных крэдытаў, уведзеных пастановай Нацбанка РБ № 577.

Сярэднеўзважаная стаўка АФН крэдытаў overnight ў пятніцу, 23 лістапада, склала 35,09%, знізіўшыся на 4,58 пункты. Мінімальная стаўка склала 29%, максімальная - 40%, прычым угоды з больш высокімі стаўкамі ўкладаліся ў першай палове дня.

Танных валютных крэдытаў не стала. І пераканаўшыся за тыдзень, што сярод беларускіх прадпрыемстваў (незалежна ад формы ўласнасці) фактычна няма ахвотных як браць рублёвыя крэдыты (умоўна) пад 50% гадавых, так і згаджацца на ўжо прыдуманыя банкірамі схемы абыходу абмежавання валютнага крэдытавання, што азначае дзіўныя гульні з дзяржавай у чарговы пік яе перадкрызіснага шалу, банкі былі вымушаныя пайсці на змяншэнне стаўкі.