Эдгар Аляхновіч: БАТЭ паедзе ў Мюнхен за ачкамі

Барысаўчане маюць намер пазмагацца з «Баварыяй» за ачкі ў апошнім туры групавога этапу Лігі чэмпіёнаў.

Пра гэта паўабаронца БАТЭ распавёў у інтэрв'ю «Прессболу».

- Ад футбола стаміўся?

- Ад Лігі чэмпіёнаў - не. Мне здаецца, у нашых рэаліях такое немагчыма. Што тычыцца ўнутранага першынства... Не ведаю. Для мяне наогул заўсёды прыемна гуляць у футбол.

- Каманда Хайнкеса прагне вашай крыві...

- І што? Мне, дапусцім, будзе вельмі прыемна згуляць на «Альянц-Арэне» з перапоўненымі трыбунамі. А які будзе вынік - паглядзім.

- Гэта значыць, перспектыва патрапіць пад нямецкі каток цябе зусім не палохае?

- Да ну... Я нават больш скажу, мы паедзем у Мюнхен за ачкамі.

- Але ж далей Лігі Еўропы БАТЭ ўсё роўна не скокнуць...

- Навошта тады наогул у футбол гуляць? Тым больш у Лізе чэмпіёнаў. Заўсёды трэба ставіць мэту заваёўваць ачкі. Што гэта за глупства? Ехаць у Германію, каб атрымаць поўны кошык і нават не пазмагацца? Гэта не для мяне.

Нагадаем, па выніках пятага тура БАТЭ страціў усе шанцы на выхад у плэй-оф Лігі чэмпіёнаў, але заслупаваў за сабой 3-е месца ў групе і гарантаваў ўдзел у 1/16 фіналу Лігі Еўропы.

У заключным матчы групавога этапу ЛЧ 5 снежня БАТЭ згуляе ў Мюнхене з «Баварыяй».