«Газпрам» шантажуе Украіну Беларуссю?

Павелічэнне «Газпрамам» на трэць транзіту газу праз Беларусь гэта пасыл кіраўніцтву Украіны.

Пра гэта заявіў эканаміст Леанід Злотнікаў.

«Ва Украіны ёсць дадатковыя магутнасці па прапампоўцы расейскага газу ў той час, калі «Газпрам» павялічвае прапампоўку газу праз Беларусь і будуе абыходныя газаправоды. Думаю, такая сітуацыя не павінна падабацца ўкраінскаму кіраўніцтву, і таму магчымыя спрэчкі з Украінай», - заявіў Леанід Злотнікаў, каментуючы вынікі візіту кіраўніка ААТ «Газпрам» Аляксея Мілера ў Беларусь і дасягнутыя ў ходзе гэтага візіту дамоўленасці, піша regnum.ru.

Нагадаем, 22 лістапада Аляксандр Лукашэнка, прымаючы ў сваёй менскай рэзідэнцыі кіраўніка ААТ «Газпрам» Аляксея Мілера, заявіў, што адносіны паміж «Газпрамам» і афіцыйным Менскам выйшлі на новы ўзровень, бакі маюць намер рэалізаваць сумесныя праекты. У прыватнасці, паведаміў пасля сустрэчы журналістам Мілер, «Газпрам» плануе ў 2012 годзе паставіць у Беларусь 22 млрд куб.м газу і накіраваць транзітам праз тэрыторыю рэспублікі 44,5 млрд куб м газу (што абыйдзецца «Газпраму» прыкладна ў $570 млн), а у далейшым павялічыць аб'ёмы транзіту расейскага газу праз Беларусь на 30% (г.зн. амаль на 15 млрд кубаметраў) і цалкам загрузіць транзітную інфраструктуру, інвеставаць $2 млрд у мадэрнізацыю і стварэнне новых магутнасцей для транзіту газу праз тэрыторыю рэспублікі, а таксама ў павелічэнне магутнасці беларускіх падземных сховішчаў прыроднага газу. Акрамя таго, «Газпрам» мае намер рэалізаваць у Беларусі праект па шырокаму ўкараненню газаматорнага паліва, пабудаваць у Менску вялікі шматфункцыянальны комплекс для сваёй кампаніі і накіраваць вялікія сродкі ў мадэрнізацыю інфраструктуры Менска, у прыватнасці - у будаўніцтва дарожнай развязкі, рэканструкцыю аўтавакзала «Маскоўскі» (які да гэтага ўлады Беларусь спрабавалі рэканструяваць самастойна).

На думку Злотнікава, афіцыйны Кіеў не зможа безуважна назіраць за тым, як «Газпрам» нарошчвае прапампоўку газу праз Беларусь, інвесціруе ў інфраструктуру (не толькі газатранспартную) на тэрыторыі Беларусь, з якім энтузіязмам Мілер і Лукашэнка абмяркоўваюць маштабныя праекты. Эксперт сказаў: «Мяркуючы па апублікаваных ацэнках, палітыка «Газпрама» ў дачыненні да Беларусі расцэньваецца як ціск на Украіну: маўляў, дзякуючы добрым адносінам з Беларусі ў яе кошт на газ ніжэй, а вось ўступіце ў АЭП - і ў вас будзе добра. У гэты жа час афіцыйны Кіеў пацвярджае курс на інтэграцыю не з АЭП Расеі, Беларусі і Казахстана, а дамагаецца стварэння зоны свабоднага гандлю з ЕЗ».

Беларускі эканаміст лічыць, што выгады ад візіту Мілера ў Менск не варта перабольшваць. «У канцы 2011 года, калі Беларусь прадала «Газпраму» сваю апошнюю частку «Белтрансгаза» - вось тады падобнага роду візіты мелі знакавы характар і былі важныя. Цяпер жа, наколькі можна меркаваць па накіроўваных «Газпрамам» інвестыцыях, расейская кампанія інвесціруе ў магістральныя газаправоды , па якіх прапампоўвае ўласны газ заходнееўрапейскім спажыўцам. «Газпрам» інвесціруе ў падземныя газасховішчы на тэрыторыі Беларусь, дзе захоўвае уласны газ. «Газпрам» інвесціруе ў будаўніцтва - пабудуе ў Менску небаскроб, для сябе пабудуе. «Газпрам» інвесціруе ў будаўніцтва аўтавакзала каля небаскроба , які пабудуе для сябе. Таксама падчас візіту гаварылася, што «Газпрам» будзе ўдзельнічаць у рэканструкцыі або будаўніцтве дарожнай развязкі ў Менску - напэўна, «Газпрам» не проста так у гэтым удзельнічае», - сказаў Злотнікаў.

«Газпрам» укладвае ў сябе, у сваю інфраструктуру. «Газпрам» інвесціруе ў сябе і ў Расею», - зрабіў выснову беларускі эканаміст.

Злотнікаў звярнуў увагу на цікавую гісторыю будаўніцтва офіснага небаскроба «Газпрама» у Санкт-Пецярбургу, адзначыўшы: тады грамадскасць выказала сваё абурэнне рэалізацыяй гэтага праекта - і цяпер можна чакаць пратэстаў часткі менчукоў. У прыватнасці, ён адзначыў: «Наколькі вядома, «Газпрам» пабудуе шматпавярховік побач з новым будынкам Нацыянальнай бібліятэкі Беларусі, які Аляксандр Лукашэнка лічыць культавым будынкам горада. Калі «Газпрам» пабудуе побач з менскай Нацбібліятэкай сваю высотку - гэта будзе расцэнена як сімвал Расеі. Магчымыя пратэсты грамадскасці - камусьці такое суседства сімвалаў можа не спадабацца».