Кран пад Лагойскам патрушчыў легкавікі
19- 28.11.2012, 22:00
25-тонны аўтакран заваліўся на два аўтамабілі на тэрыторыі аднаго з прадпрыемстваў у вёсцы Харошае Лагойскага раёна.
Ён заваліўся на левы бок падчас правядзення рамонтных работ, расказалі ратавальнікі. На жаль, не абышлося без пацярпелых: траўмы атрымалі два чалавекі.
- У момант падзення ў адным з легкавікоў знаходзіліся двое мужчын, - распавялі ў МНС. - Абодва пацярпелі. Работнікі прадпрыемства выкарысталі іншы кран і змаглі выцягнуць людзей з салона. Іх тут жа перадалі брыгадзе хуткай дапамогі, піша onliner.by.
Як высветлілася, абодва пацярпелыя - работнікі прадпрыемства. Адзін з іх знаходзіцца ў цяжкім стане. Стан другога лекары расцэньваюць як сярэдні.