«Чорны гумар» брэсцкіх дарожнікаў
30- 29.11.2012, 15:30
Незвычайны пандус, прызначаны для інвалідаў, маці з каляскамі і веласіпедыстаў, з'явіўся ў Брэсце.
Яго пабудавалі на прыступках, размешчаных за плошчай Леніна, на сходзе да вуліцы Энгельса, піша «Виртуальный Брест». На першых двух прыступках ёсць пандус (вось толькі ўхіл на ім рэзкі), а на наступных двух ён адсутнічае.
Наўрад ці такая канструкцыя прадугледжана праектам. Магчыма, пандус пачалі будаваць, але так і не давялі працу да канца. Быць можа, яго неўзабаве дабудуюць. Але на сённяшні дзень людзей, у якіх ёсць вострая неабходнасць карыстацца такімі пандусамі, чакае непрыемны сюрпрыз.