Хілары Клінтан: ЗША працягнуць падтрымку змагароў за свабоду ў Беларусі
50- 30.11.2012, 8:37
Дзяржсакратар ЗША заклікала да вызвалення беларускіх палітвязняў.
Хілары Клінтан раскрытыкавала паводзіны ўладаў Украіны і Беларусі і пахваліла выбары ў Грузіі. У чацвер яна выступіла з прамовай у інстытуце Брукінгса, прысвечанай адносінам Амерыкі і Еўропы, паведамляе «РІА Новости».
«Кастрычніцкія выбары на Украіне былі крокам назад у дэмакратычным развіцці краіны, і мы па-ранейшаму глыбока занепакоеныя выпадкамі выбарчага правасуддзя над лідэрамі апазіцыі. У Беларусі ўрад працягвае сістэматычна ўшчамляць правы чалавека, так што мы працягваем заклікаць да вызвалення палітычных вязняў і падтрымліваць тых адважных актывістаў , якія адстойваюць права народа Беларусі», - сказала ў ходзе выступлення дзяржсакратар.
Пры гэтым яна таксама паведаміла, што ЗША «віталі выбары ў Грузіі і першы выпадак мірнай перадачы ўлады ў гісторыі гэтай краіны». «Мы працягваем заклікаць новы ўрад прадэманстраваць сваё імкненне да дэмакратыі, празрыстасці і вяршэнства закона», - адзначыла яна.