Успаміны Ларысы Геніюш агучыла Зінаіда Бандарэнка (Аўдыё)
3- 5.11.2012, 16:10
5 лістапада ў Гродне і 6 лістапада ў Менску прэзентуюць аўдыёкніжку паэткі Ларысы Геніюш «Птушкі без гнёздаў».
Яе выдалі Беларускае гістарычнае таварыства ў Польшчы і Беларуская інтэрнэт-бібліятэка Kamunikat.org.
Успаміны Ларысы Геніюш агучыла народная артыстка Беларусі Зінаіда Бандарэнка.
У прэзентацыі чакаецца ўдзел Зінаіды Бандарэнка, барда і аўтара песень на словы Геніюш Алеся Камоцкага, а таксама даследчыка творчасці паэткі Міхася Скоблы.
Адбудзецца мерапрыемства пры падтрымцы кніжнай серыі «Гродзенская Бібліятэка».
6 лістапада «Птушкі без гнёздаў» будуць прадстаўленыя ў Менску ў галерэі «Ў».