Новыя станцыі менскага метро адкрыюць ужо заўтра
22- 5.11.2012, 16:26
Тэрміны адкрыцця трох новых станцый першай лініі менскага метро пераносіліся неаднаразова.
Апошні раз афіцыйна называлася дата 7 лістапада - пуск новага ўчастка хацелі прымеркаваць да Дня Кастрычніцкай рэвалюцыі.
Аднак, як стала вядома onliner.by, чырвоную стужку збіраюцца перарэзаць ужо заўтра раніцай. У мерапрыемстве будзе ўдзельнічаць Аляксандр Лукашэнка. «Адкрыццё новых станцый з удзелам кіраўніка дзяржавы запланавана на 11:00 6 лістапада», - паведамілі сёння ў Менгарвыканкаме.
У Дырэкцыі па будаўніцтве Менскага метрапалітэна пакуль устрымліваюцца ад каментароў. Усё кіраўніцтва прадпрыемства зараз знаходзіцца на новых станцыях.