У Беларусь не пусцілі прадстаўніка Amnesty International

Беларускія ўлады адмовілі ў візе супрацоўніцы міжнароднай праваабарончай арганізацыі Хізэр МакГіл.

Amnesty International распачала крокі для высвятлення прычын адмовы ў выдачы візы. У прыватнасці, генеральны сакратар арганізацыі Саліл Шэці звярнуўся да міністра замежных спраў Беларусі, а таксама ў амбасаду нашай краіны ў Велікабрытаніі, аднак адказу не атрымаў, паведамляе сайт арганізацыі (пераклад - charter97.org).

Праваабарончая арганізацыя робіць выснову, што адмова ў выдачы візы Хізэр МакГіл з'яўляецца палітычным рашэннем.

Amnesty International адзначае, што яно было прынята ў момант пагаршэння сітуацыі з правамі чалавека ў Беларусі.