«Гомель» узначаліў табліцу чэмпіянату Беларусі па хакеі

Змена лідэра адбылася па выніках праведзенага 9 снежня чарговага тура адкрытага чэмпіянату Беларусі па хакеі.

«Гомель» выйграў дома ў «Металурга», які займаў першае месца, з лікам 6:2, дагнаў суперніка па колькасці набраных ачкоў і апярэдзіў яго па дадатковых паказчыках (асабістыя сустрэчы), піша БелаПАН.

Астатнія вынікі: «Віцебск» - «Хімік-СКА» - 1:3, «Юніёр» - «Брэст» - 3:2 (па булітах), «Магілёў» - «Шахцёр» - 0:1, «Нёман» - «Металургс» - 4:2.

У туры закінута 24 шайбы (з пачатку чэмпіянату - 1.074), з іх гаспадарамі - 14 (568), гасцямі - 10 (506). Сярэдняя выніковасць склала 4,8 гола за гульню (6,28). Гаспадары атрымалі 3 перамогі, з іх 1 па булітах (84 перамогі, з іх 1 у авертайме і 4 па булітах) і пацярпелі 2 паражэнні (87 паражэнняў, з іх 4 АД і 8 ПБ). Найбольш папулярныя варыянты ліку - 3:2 (16 разоў), 4:2 (14), 3:1 (11), 4:3, 4:1, 2:1 (па 10), 5:2 (9), 5:3, 3:0 (8). Усяго зафіксавана 34 варыянты.