Польшча зніжае кошты на газ для насельніцтва
43- 18.12.2012, 11:57
Упраўленне рэгулявання энергетыкі Польшчы абвясціла аб зніжэнні ў сярэднім на 10% тарыфаў на газ для насельніцтва.
Карэкцыя коштаў стала магчымай дзякуючы дасягнутаму ў лістападзе пагадненню з «Газпрамам», які пасля шматмесячных перамоваў пагадзіўся знізіць кошт на газ для Польшчы больш чым на 15%, паведамляе РІА Новости.
Тарыфы для прамысловых спажыўцоў у Польшчы рашэннем рэгулятара зніжаюцца менш істотна: на 2-4%, гаворыцца ў паведамленні ведамства. Аб'яўленыя ў панядзелак кошты будуць дзейнічаць да 20 верасня 2013 года.
«Газпрам» і польская PGNIG SA 5 лістапада 2012 года падпісалі дадатковае пагадненне да кантракту, якое змяняе яго коштавыя ўмовы на пастаўку газу ў Польшчу па газаправодзе «Ямал-Еўропа». Па заявах польскіх уладаў, кошт паліва быў зніжаны больш чым на 15% і наблізілася да коштаў на газ для нямецкага рынку.