У парламенце Кыргызстана патрабуюць зачыніць амбасаду ў Менску
13- 21.12.2012, 8:27
Дэпутат парламента прапануе зачыніць амбасаду Кыргызстана ў Беларусі.
«МЗС Кыргызстана не аналізуе эфектыўнасць дзейнасці сваіх дыппрадстаўніцтваў за мяжой», - заявіў сёння на пасяджэнні парламенцкага камітэта па бюджэце і фінансах дэпутат Амурбек Абдырахманаў.
Паводле яго слоў, сёння няма сэнсу ўтрымліваць некаторыя амбасады і консульствы, піша 24kg.org.
«Мы трацім нямала грошай, а эфекту ніякага. Лічу, напрыклад, немэтазгодным утрымліваць амбасады ў Малайзіі, Туркменістане, Беларусі. Наш прэзідэнт краіны, які ўцёк, спакойна пражывае ў Менску, а мы нават ніяк адрэагаваць не можам. У якасці рэакцыі ў адказ трэба было зачыніць там сваю амбасаду, а ў выпадку патрэбы якія-небудзь перамовы мог бы праводзіць і амбасадар КР у Расеі. Тое ж самае з амбасадамі ў Малайзіі і Туркменістане. Я не чуў пра нейкія дыпламатычных поспехі ў гэтых краінах», - сказаў Амурбек Абдырахманаў.