У Менску пройдзе «Калядны фэст»
2- 25.12.2012, 11:34
«Калядны фэст» пройдзе 25 снежня ў сталічным клубе Re:public, пачатак у 18 гадзін.
У беларускай сталіцы ён праводзіцца ўжо ў чацвёрты раз.
«Калядны фэст» - гэта не толькі своеасаблівая справаздача за год аб развіцці музыкі фолк-кірунку ў нашай краіне, але і спроба паказаць сувязь сучаснасці з мінулым, перадае «Еўрарадыё».
Група Rokash збіраецца прэзентаваць на фестывалі абсалютна новую песню «Ноч лістапада». Таксама выступяць Znich і «Стары Ольса». Апошнія на фестывалі згуляюць новыя кампазіцыі, сярод іх - мелодыі з «Полацкага сшытка». На «Калядным фэсце» будзе нямала і дэбютантаў.
Таксама арганізатары абяцаюць сярэднявечныя танцы, а таксама конкурсы, падарункі і сюрпрызы.