Папа Рымскі павіншаваў беларусаў з Калядамі
5- 26.12.2012, 15:20
Бенедыкт XVI традыцыйна павіншаваў беларускіх каталікоў са святам Божага Нараджэння на іх роднай мове.
25 снежня пантыфік звярнуўся да вернікаў з традыцыйным пасланнем і блаславеннем «Urbi et orbi» («Гораду і міру»). Папа Рымскі пажадаў, каб мір прыйшоў да народаў, якія пакутуюць ад канфліктаў, тэрарыстычных нападаў і недахопу волі. У заключэнне ён зачытаў каляднае віншаванне на 66 мовах, перадае «Белсат».
У сваім пасланні ён згадаў пра Егіпет, Ізраіль, Кенію, Кітай, Конга, Малі, Нігерыю, Палестыну, Сірыю і краіны Лацінскай Амерыкі.