Інвестыцыі ў кастрычніку абваліліся на 30%

Паводле звестак Белстата, у кастрычніку 2012 года аб'ём інвестыцый у асноўны капітал склаў усяго 12,68 трлн. рублёў.

Гэта на 29,9% менш чым у верасні 2012 года (у супастаўных коштах).

Такое значнае скарачэнне інвестыцый тлумачыцца, верагодна, зніжэннем аб'ёмаў крэдытавання беларускіх дзяржаўных банкаў у рамках дзяржаўных праграм, паведамляе select.by.

Зніжэнне інвестыцый закранула, большай часткай, укладанні ў абсталяванне. Так, у студзені-кастрычніку 2012 года інвестыцыі на набыццё машын, абсталявання, транспартных сродкаў склалі 49,1 трлн. рублёў, ці 42,2% агульнага аб'ёму інвестыцый і 84% да ўзроўню студзеня-кастрычніка 2011 года.

У той жа час, у студзені-верасні 2012 года гэтыя інвестыцыі складалі 87% да ўзроўню студзеня-верасня 2011 года. Гэта значыць, адносіны дадзеных інвестыцый да такіх за аналагічны перыяд мінулага года скарацілася на 3 пункта.