Савіных абверг сам сябе

Беларусь не вядзе перамовы з Еўрапейскім Звязам аб зніжэнні кошту віз.

Учора БелТА са спасылкай на прэс-сакратара МЗС Андрэя Савіных паведаміла пра перамовы паміж Беларуссю і краінамі ЕЗ адносна спрашчэння візавага рэжыму.

Аднак у размове з Еўрарадыё прэс-сакратар МЗС абверг гэтую інфармацыю.

«Беларускі бок пазітыўна ставіцца да ідэі зніжэння кошту віз і гатовы весці перамовы на гэтыя тэмы з нашымі замежнымі партнёрамі», - сказаў ён.

Па словах Савіных, на дадзены момант перамовы альбо кансультацыі з краінамі ЕЗ з нагоды спрашчэння візавага рэжыму не вядуцца.