У Беларусь гоняць скрадзеныя машыны

У Польшчы адзначаюць тэндэнцыю да павелічэння транзіту скрадзенага аўтатранспарту з Захаду ў Беларусь і Расею.

Як піша газета «Kurier Poranny», крадуць аўтамабілі ў асноўным на замову. Большасць з іх не затрымліваюцца ў Беларусі, а пераганяецца ў Расею. Выкрадзеныя ў ЕЗ аўтамабілі там каштуюць да 150 тысяч еўра.

Жадаючыя перагнаць скрадзеныя аўтамабілі беларусы атрымліваюць каля 500 еўра. І гэта пры тым, што кіроўцам пагражае крымінальны пераслед, паведамляе «Еўрарадыё».