На рэйкі ў менскім метро зноў упаў чалавек

У Менску ўвечары 18 сакавіка на рэйкі станцыі метро «Плошча Леніна» ўпаў мужчына.

Аб гэтым паведаміў БелТА старэйшы памочнік пракурора Менска па прававым забеспячэнні, інфармацыі і грамадскіх сувязях Сяргей Балашоў.

Мужчына 1981 года нараджэння - жыхар Барысава - упаў на рэйкі з-за раптоўнага пагаршэння самаадчування.

Супрацоўнікі станцыі аператыўна адключылі напругу на кантактнай рэйцы. Мужчыну паднялі наверх. Напругі не было ўсяго тры хвіліны, і збояў у графіку руху цягнікоў інцыдэнт за сабой не пацягнуў.