Міліцыянты называюць Лукашэнку «ВДЛ»

У першы вясновы дзень журналісты «Нашай Нівы» апытвалі жыхароў на вуліцах Менска.

Выбраліся на праспект Пераможцаў, дзе даўно ўжо не здымалі. Раптам падыходзіць міліцыя і правярае дакументы:

- Можа, вы адсюль куды-небудзь пойдзеце...

- Ды толькі прыйшлі, чаго сыходзіць?

- Тут будзе ВДЛ...

- Хто?

- «Высшее должностное лицо», - растлумачыў міліцыянт. І дадаў: «І каб ніякіх апладысментаў!»

Журналістам далі паздымаць да 17-ці гадзін, а потым параілі сыходзіць. Мабыць, таямнічае «ВДЛ» не любіць сутыкацца з журналістамі.