Украінскага банкіра экстрадуюць з Беларусі
4- 11.04.2012, 16:33
Беларусь экстрадуе ва Украіну былога старшыню назіральнага савета банка «Еўрапейскі» Паўла Барульку да ліпеня.
На радзіме ён падазраецца ў раскраданні 620 мільёнаў грывень дзяржаўных сродкаў Фонду гарантавання ўкладаў фізічных асоб.
Пра гэта на брыфінгу паведаміў начальнік Галоўнага следчага ўпраўлення Службы бяспекі Украіны Іван Дзеравянка, паведамляе ГолосUA.
«Тэрміны ўтрымання яго ў Беларусі заканчваюцца ў чэрвені бягучага года, і мы ўпэўненыя, што за гэты час працэдура экстрадыцыі будзе завершаная», - заявіўён.
Дзеравянка паведаміў, што ўкраінскі бок накіраваў у Беларусь 2 хадайніцтвы аб экстрадыцыі Паўла Барулькі ва Украіну, другое з якіх, у прыватнасці, прадугледжвае просьбу аб паскоранай працэдуры.
