Паехаў

Аляксандр Лукашэнка накіраваўся з працоўным візітам у Расейскую Федэрацыю, дзе 15 мая прыме ўдзел у самітах АДКБ і СНД.

У расейскай сталіцы адбудзецца паседжанне юбілейнай сесіі Савета калектыўнай бяспекі АДКБ, прысвечанай 20-годдзю падпісання Дамовы аб калектыўнай бяспецы і 10-годдзю стварэння АДКБ.

Плануецца, што кіраўнікі дзяржаў абмяркуюць меры па калектыўным супрацьдзеянні глабальным і рэгіянальным выклікам бяспекі, падвядуць вынікі дзейнасці АДКБ за дзесяцігоддзе і намецяць прыярытэтныя напрамкі развіцця арганізацыі.

Аляксандр Лукашэнка таксама прыме ўдзел у нефармальным паседжанні Савета кіраўнікоў дзяржаў-удзельніц СНД, дзе будуць абмеркаваныя пытанні далейшага ўзаемадзеяння ў межах гэтага інтэграцыйнага ўтварэння, а таксама актуальныя міжнародныя тэмы.