П'яны святар распрануўся перад пасажырамі

У Баранавічах у дачыненні да святара распачатая крымінальная справа за хуліганства.

Баранавіцкім гарадскім аддзелам Следчага камітэта Беларусі 30 красавіка была распачатая справа за хуліганства па частцы 1 артыкула 339 Крымінальнага кодэкса ў дачыненні да святара са Старадарожскага раёна Менскай вобласці.

Як паведамляе БелаПАН, святар падазраецца ў тым, што на станцыі Баранавічы-Палескія ў п'яным выглядзе адкрыта дэманстраваў свае полавыя органы пасажырам. Раней гэты чалавек ужо быў судзімы за падобныя дзеянні.

У Следчым камітэце інфармацыю не каментуюць.