Намеснік кіраўніка МЗС паляцеў на Кубу і ў Эквадор

Беларусь пашырае супрацоўніцтва з Кубай і Эквадорам.

Аб гэтым паведаміў сёння на брыфінгу начальнік упраўлення інфармацыі - прэс-сакратар МЗС Беларусі Андрэй Савіных.

З 23 па 30 мая праходзіць візіт беларускай дэлегацыі на чале з намеснікам міністра замежных спраў Беларусі Сяргеем Алейнікам на Кубу і ў Эквадор. У склад беларускай дэлегацыі ўваходзяць прадстаўнікі міністэрстваў прамысловасці, архітэктуры і будаўніцтва, прыродных рэсурсаў і аховы навакольнага асяроддзя, канцэрна «Белнафтахім», а таксама шэрагу беларускіх прадпрыемстваў.

Падчас візіту на Кубу запланаваныя сустрэчы з прадстаўнікамі Цэнтральнага камітэта Камуністычнай партыі Кубы, кіраўніцтвам Савета Міністраў, міністэрстваў замежных спраў, знешняга гандлю, прамысловасці, энергетыкі, горнаруднай прамысловасці, сельскай гаспадаркі, будаўніцтва, транспарту, абароны.

У Эквадоры намечаныя сустрэчы Сяргея Алейніка з кіраўніцтвам Адміністрацыі Прэзідэнта, міністэрстваў замежных спраў, каардынацыі стратэгічных сектараў эканомікі, горнаруднай прамысловасці і энергетыкі, сельскай гаспадаркі, будаўніцтва, транспарту, абароны.

Кіраўнік беларускай дэлегацыі сустрэнецца з кіраўніцтвам дзяржаўных нафтавых кампаній «Петраэквадор» і «Петраамазонас» і знешнегандлёвай арганізацыі «Проэквадор». Запланаванае абмеркаванне перспектыў гандлёвага і эканамічнага супрацоўніцтва з шэрагам іншых вядучых прадпрымальніцкіх структур гэтай краіны.