Набыў білет «Суперлато» - падтрымаў рэжым (Фота)

У ходзе чарговага флэш-мобу актывісты «Zмены» - моладзевага крыла грамадзянскай кампаніі «Гавары праўду» - выступілі супраць латарэйнага бізнесу.

4 мая ў раёне менскага Камароўскага рынку, каля сямі пунктаў продажу латарэйных білетаў, яны правялі перфоманс «Купі білет Спортлато - падтрымай рэжым». На думку ўдзельнікаў флэш-мобу, верыць у сумленнасць такіх гульняў з дзяржавай - наіўнасць, і, набываючы латарэйныя білеты, людзі фінансава падтрымліваюць беларускі рэжым, які атрымлівае велізарныя прыбыткі ад латарэйнага бізнесу, паведамляе прэс-служба «Гавары праўду».