МАГАТЭ праверыць бяспеку беларускай АЭС

У Беларусі пры рэалізацыі праекта будаўніцтва АЭС сёння пачала праца місія МАГАТЭ па комплексным ацэньванні нацыянальнай інфраструктуры ядзернай энергетыкі.

Пра гэта паведаміла БелТА начальнік аддзела міжнароднага супрацоўніцтва дэпартамента па ядзернай энергетыцы Міністэрства энергетыкі Беларусі Лілія Дулінец.

«У місіі прымаюць удзел 14 экспертаў з розных краін свету, якія маюць вялікі досвед працы ў галіне атамнай энергетыкі. Разам з беларускімі спецыялістамі яны разгледзяць пытанні гатоўнасці рэспублікі да будаўніцтва АЭС. Місія будзе праводзіцца ў адпаведнасці з рэкамендацыямі МАГАТЭ, распрацаванымі адмыслова дзеля краін, якія плануюць будаўніцтва першых АЭС», - патлумачыла Лілія Дулінец.

Падчас місіі будуць ацэненыя 19 асноўных напрамкаў стварэння інфраструктуры ядзернай энергетыкі, такіх як ядзерная бяспека, фарміраванне неабходнай нарматыўнай прававой базы, выбар пляцоўкі для будаўніцтва АЭС, ахова навакольнага асяроддзя, аварыйнае планаванне, абыходжанне з радыеактыўным адходамі, падрыхтоўка кадраў дзеля ядзернай энергетыкі.

«Місія будзе доўжыцца да 30 чэрвеня 2012 года, па яе выніках краіне будуць дадзеныя рэкамендацыі дзеля давядзення гатовасці нацыянальнай ядзернай інфраструктуры да ўзроўню, які забяспечвае бяспечныя будаўніцтва, эксплуатацыю і вывад з эксплуатацыі беларускай АЭС», - адзначыла Лілія Дулінец.