Фонд ЕўрАзЭС ухваліў трэці транш крэдыту для Беларусі

Савет Антыкрызіснага фонду ЕўрАзЭС на паседжанні ў Маскве ў пятніцу прыняў рашэнне аб вылучэнні Беларусі трэцяга траншу стабілізацыйнага крэдыту на суму $440 млн.

Аб гэтым паведаміў журналістам па выніках паседжання міністр фінансаў РФ Антон Сілуанаў, піша «Інтэрфакс».

Сілуанаў таксама адзначыў, што ў гэтым годзе можа быць прынятае рашэнне і па чацвёртым траншы Беларусі ў тым жа памеры - $440 млн. Паводле яго, рашэнне плануецца прыняць увосень.

Акрамя таго, ён паведаміў, што сёння пры выдачы трэцяга траншу быў дададзены шэраг умоваў, па адным рашэнне не прынятае, будзе абмяркоўвацца ў бліжэйшыя два тыдні.

Паводле яго, гэтая ўмова тычыцца аб'ёму прыросту крэдытаў у эканоміцы Беларусі. Ён адзначыў, што абмяркоўваецца пытанне, захаваць гэты аб'ём у дзеючай рэдакцыі або мадыфікаваць ў той частцы, што кантроль за гэтым паказчыкам будзе забяспечвацца з боку грашовых уладаў.

Сілуан удакладніў, што, у прыватнасці, ужо прынятае рашэнне па змене ўмоваў аб нулявым дэфіцыце бюджэту Беларусі.

Зараз прадугледжваецца нулявы дэфіцыт, бакі дамовіліся аб магчымасці ўнясення паправак па гэтым паказчыку ў выпадку змены курсавых умоваў.