Яўсееў возьмецца за віцебскі хакей

Палкоўнік Яўсееў узначаліў «Віцебскую абласную федэрацыю хакея».

11 ліпеня адбылася чарговая справаздачна-выбарная канферэнцыя грамадскага аб'яднання «Віцебская абласная федэрацыя хакея».

Была прынята адстаўка Аляксандра Найдзенкі з пасады старшыні федэрацыі ў сувязі з пераменай месца жыхарства, паведамляе прэс-служба ХК «Віцебск».

Па выніках адкрытага галасавання новым старшынёй федэрацыі быў абраны начальнік УУС Віцебскага аблвыканкама Ігар Яўсееў. Удзельнікі адзначылі вялікі ўклад Аляксандра Ціханавіча Найдзенкі ў развіццё хакея ў Віцебскай вобласці і пажадалі поспехаў новаму старшыні.